Páginas del blog Ría de Ribadeo

sábado, 10 de septiembre de 2016

Aguia pescadora, cisnes negros e limícolas

Tiña pendente redactar esta entrada da miña última visita á Ría de Ribadeo, do día 25 de agosto. Ademáis dos cisnes negros dos que xa falei anteriormente no blog (ver: http://ria-de-ribadeo.blogspot.com.es/2016/09/tres-cisnes-negros-na-ria-de-ribadeo.html) había máis cousas ese día pola ría, que é o que vos conto agora.



A mañá presentaba unhas condicións bastante malas para a observación de aves, por certo, xa que a brétema impedía unha boa visión. Pero a pesares diso, algo sempre se pode ver. Así, na lonxa, un bo lugar para a observación de gaivotas, había algun que outro gaivotón (Larus marinus) e uns cantos xuvenís de gaivota escura (Larus fuscus).

Gaivota escura (xuv.)

Gaivotón


Desde o porto dirixinme ó observatorio de Reme, que foi onde localicei os tres cisnes negros (Cygnus atratus), a sorpresa da xornada. Ata fai uns días aínda seguían por alí, por certo.

Cisnes negros








Xunto ós cisnes estaba tamén unha das dúas pescadoras (Pandion haliaetus) invernantes habituais, que resultou ser Virgilia (según confirmou Carlos Sanjurjo). A outra, Panchita, anda xa tamén por alí, pero nestas datas aínda non chegara. 



Á altura do Muro das Lamas puiden ver un grupiño duns 15 mazaricos reais (Numenius arquata) e un bando mixto de gaivotas escuras (Larus fuscus) e choronas (Chroicocephalus ridibundus).

Mazarico real



Xa pola beira asturiana, entre a Veiga e a enseada do Fondón apenas algúns exemplares de lavanco (Anas platyrhynchos), unha garzota (Egretta garzetta) e un miñato (Buteo buteo).

Garzota e lavanco

Miñato


E para finalizar a volta á ría, en Salías máis gaivotas, outra garzota e un reducido grupo de píllaras reais (Charadrius hiaticula) e pilros comúns (Calidris alpina).


Garzota e gaivotas choronas

Píllaras reais

Pilros comúns

Pilro común







Píllara real



Saúdos e ata a próxima.


Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com

jueves, 1 de septiembre de 2016

Tres cisnes negros na Ría de Ribadeo

Fai uns días publicaba no Facebook a foto dos tres cisnes negros que observei o pasado 25 de agosto na Ría de Ribadeo. Agora, con algo máis de tempo, traio máis fotos ó blog.




A observación fíxena como dicía o pasado 25 de agosto pola mañá. O día non estaba nada propicio para a observación de aves, debido á neboa, polo que había moi pouca luz. Sen embargo a presenza destes tres exemplares de cisne negro (Cygnus atratus) non pasa desapercibida e chamaron pronto a miña atención. Primeiro vinos desde moi lonxe, á altura do observatorio de Reme. Así que collín o coche e achegueime ata o obervatorio para velos máis de preto.

Vista desde o observatorio de Reme



E desde alí foi desde onde lles tirei estas fotos. A pesar da mala luz, sirven para identificalos e deixar constancia da súa presenza na ría.

Os raros visitantes da Ría de Ribadeo xunto a unha das águias pescadoras

Outra foto coa pescadora no seu pousadoiro






Estiven observándoos durante bastante tempo, e puiden ver cómo se alimentaban tranquilamente das algas do fondo mariño. Para rematar esta breve entrada, deixo este pequeno vídeo. Disculpade a pésima calidade. Estaban xa moi lonxe, e está sacado co zoom dixital ó máximo. Pero sirva coma testemuña desta rara observación.





Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com