Páginas del blog Ría de Ribadeo

domingo, 10 de febrero de 2019

Observacións de febreiro na ría




O primeiro fin de semana de febreiro, como moitos sabedes, estiven en Ribadeo. Ademais das actividades coas que celebramos o Día Mundial dos Humidais, aproveitei tamén eses días para saír observar aves pola ría. E tiña pendente publicar esas observacións no blog, así que aquí as traio.



Como podedes ver na anterior foto, o frío foi intenso esa fin de semana, e a neve estaba presente en boa cantidade nos cumios asturianos da serra da Bobia.

Coma observacións máis interesantes, destacaría a presenza dun mergullón cristado, especie pouco habitual na Ría de Ribadeo.



Tamén puiden ver este exemplar de primeiro inverno de gaivota escura, que como vedes está anelada. Xa pasei os datos do anel a Antonio Gutiérrez Pita (http://gaviotasyanillas.blogspot.com/), quen tramitou a cita e espero que en breve consigamos a información de onde procede o exemplar e en qué lugares foi observado con anterioridade.




Aquí vai a lista completa de aves observadas estes dous días. Comezo por aquelas especies das que contabilicei o su número, e logo o resto de espeies observadas:

Castellano / Nombre científico / Galego 


Colimbo grande / Gavia immer / Mobella grande - 2
Somormujo lavanco / Podiceps cristatus / Mergullón cristado - 1
Garza real / Ardea cinerea / Garza real - 15
Espátula / Platalea leucorodia / Cullereiro - 20
Águila pescadora / Pandion haliaetus / Aguia pescadora - 3
Correlimos común / Calidris alpina / Pilro común - 175
Charrán patinegro / Sterna sandvicensis / Carrán cristado - 3
Zampullín común / Tachybaptus ruficollis / Mergullón pequeno - 1
Zampullín cuellinegro / Podiceps nigricollis / Mergullón de pescozo negro - 2

Ánade silbón / Anas penelope / Asubiador - pato asubión
Ánade friso / Anas strepera / Pato frisado
Cerceta / Anas crecca / Cerceta
Ánade azulón / Anas platyrhynchos / Lavanco
Ánade rabudo / Anas acuta / Pato rabilongo
Cormorán / Phalacrocorax carbo / Corvo mariño
Garceta / Egretta garzetta / Garzota
Zarapito trinador / Numenius phaeopus / Mazarico chiador
Zarapito real / Numenius arquata / Mazarico real
Archibebe común / Tringa totanus / Bilurico patirrubio - bilurico común
Archibebe claro / Tringa nebularia / Bilurico pativerde - bilurico claro
Aguja colinegra / Limosa limosa / Mazarico rabinegro
Gaviota reidora / Chroicocephalus ridibundus / Gaivota chorona
Gaviota sombría / Larus fuscus / Gaivota escura
Gaviota patiamarilla / Larus michahellis / Gaivota patiamarela


Para finalizar, déixovos unhas cantas fotos dalgunhas destas especies.

Mobella grande

Águia pescadora


Cullereiros

Mergullón de pescozo negro

Mergullón pequeno

Cullereiros, garzas e garzotas descansando coa marea chea

Rabirrubio

Enseada da Lieira


Saúdos e ata a próxima.


Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com

sábado, 2 de febrero de 2019

Resumo do Día Mundial dos Humidais 2019

Como moitos xa sabedes, hoxe celebramos en Ribadeo o Día Mundial dos Humidais. E como tódolos anos, con dúas actividades, unha charla pola mañá, e pola tarde unha ruta ornitolóxica pola ría.

A charla da mañá correu desta vez a cargo miña, cunha exposición sobre os 25 anos da declaración da Ría de Ribadeo coma Humidal de Impotancia Internacional (humidal Ramsar). Nela demos conta das ameazas coas que a ría se enfronta, e da evolución e estado actual das poboacións de aves no noso humidal.


Xa pola tarde, realizamos a tradicional ruta ornitolóxica pola ría, que nos permitiu ver moitas desas especies das que falamos pola mañá: cullereiros, mazaricos, biluricos, garzas, garzotas, gaivotas, patos rabilongos, frisados, asubións, ou as tres aguias pescadoras invernantes. 





Desde aquí quero agradecer ó Concello de Ribadeo a organización desta xornada, na que levamos colaborando xa durante oito anos, e que agardemos se siga celebrando durante moitos máis. Grazas ó alcalde Fernando Súarez por acudir á charla, e polo detalle que tiveron ó final da mesma comigo. E moi especialmente, grazas tamén á concelleira de turismo Ana María Martínez, implicada desde o primeiro momento en que comezamos con esta idea, e impulsora da mesma, e a Begoña García, técnica de turismo, e parte fundamental da organización destas xornadas durante todos estes anos. Coma sempre, foi un pracer para mín colaborar nesta xornada, na miña vila, coa miña xente, e para defender e divulgar os valores da nosa querida ría.

Para rematar, déixovos tamén aquí a entrevista que me fixeron esta semana no programa Voces da Mariña de Radio Voz, falando destes temas. 


 

Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com