Páginas del blog Ría de Ribadeo

lunes, 2 de abril de 2012

"Moritos" na nosa costa

Levamos uns meses nas que as observacións de exemplares de “morito” (ou mazarico mouro) estanse a multiplicar por todo o norte peninsular. Son moitos os colegas que teñen colgado xa nos seus blogs fotos destas fermosas aves, e eu levaba un tempo detrás delas, posto que se levan citando pola nosa comarca fai xa máis dun mes (citas de Pablo García e de Pablo Fernández). Polo de agora todos os meus intentos de localizaros foran en balde, pero por fin hoxe conseguín atopalos e sacarlles algunhas fotos a certa distancia. Había estos 6 exemplares nun prado en Barres (Castropol).

Moritos / plegadis falcinellus / mazaricos mouros

Esta especie é pouco común nestas latitudes, e na península abunda máis polo sur, tendo en Doñana un dos seus principais enclaves. Estase a falar que a gran cantidade de observacións nestas últimas datas pode deberse á seca, o que faría que varios grupos se teñan desplazado máis ó norte. Sexa cal sexa a explicación, o que está claro é que é algo extraordinario a abundancia de exemplares que se teñen localizado nestes últimos meses por todo o Cantábrico.

Moritos

Moritos


Despois de localizados os moritos, achegueime a ver o que se movía pola ría. O máis interesante, 4 cullereiros, varios carráns cristados facendo os seus espectaculares picados para pescar, 18 biluricos pativerdes, 6 píllaras cincentas, 2 biluricos bailóns e 6 pilros comúns.


Lavancos na ría de Ribadeo

Bilurico bailón

Bilurico bailón

Corvos mariños

Píllaras cincentas

Biluricos claros


Listado de especies do día:
morito / plegadis falcinellus / mazarico mouro
espátula / platalea leucorodia / cullereiro
garceta / egretta garzetta / garzota
zarapito trinador / numenius phaeopus / mazarico chiador
archibebe claro / tringa nebularia / bilurico pativerde - bilurico claro
correlimos común / calidris alpina / pilro común - pilro curlibico
andarríos chico / actitis hypoleucos / bilurico das rochas - bilurico bailón
chorlito gris / pluvialis squatarola / píllara cincenta
ánade real / anas platyrhynchos / lavanco
gaviota reidora / larus ridibundus / gaivota chorona
gaviota sombría / larus fuscus / gaivota escura
gaviota patiamarilla / larus michahellis / gaivota patiamarela
charrán patinegro / sterna sandvicensis / carrán cristado





Imágenes y texto propiedad de:
Enrique Sampedro Miranda
Ría de Ribadeo: http://ria-de-ribadeo.blogspot.com

4 comentarios:

  1. Hola!!
    Este año nos han "invadido" afortundamente los moritos... Son unas aves muy guapas y vistas de cerca más aún.
    Me alegro de que hayas podido verlos.

    un saludo!!!

    ResponderEliminar
  2. Parabéns Enrique polas fotos dos "mouriños".

    Na derradeira foto, as aves que aparecen penso que son biluricos claros (Tringa nebularia).

    Saúde,
    Damián

    ResponderEliminar
  3. Opá Quique. Aínda que a foto non é demasiado nítida, eu coincido con Damián. Son Biluricos claros.
    Unha aperta

    ResponderEliminar
  4. Gracias Xuan polo comentario. A verdade é que é un gustazo poder disfrutar de aves tan fermosas por aquí.
    E gracias tamén pola corrección Damián e Xabi. Ainda que a foto é bastante mala, sí que se aprecia claramente que son biluricos, non pilros. Xa está enmendado o erro.
    Saúdos.

    ResponderEliminar