Pola Ría de Ribadeo

Esta primeira mañá de domingo do mes de novembro comezou en Ribadeo cunha cobertura de nubes que parecía que podía perdurar. Pero pouco a pouco foi despexando, e finalmente quedou unha xornada moi solleira, cunha estupenda luz para fotografar aves. Era o meu plan para hoxe, así que tiven sorte co tempo.

Comecei por Salías, en Castropol, onde me xuntei con Carlos Sanjurjo quen me acompañou durante todo o paseo. Por alí o máis destacado os cullereiros (uns 47), mazaricos das dúas subespecies (real e chiador), pilros, píllaras reais e cincentas, lavancos, un grupiño de 6 patos asubiadores, e outro grupiño de rabilongos. E tamén un par de picapeixes que nos ofreceron uns bos posados para a foto.

Dalí fomos a Serantes, para ver o que había na enseada do Tarrón. Desde alí vimos a Panchita do outro lado da ría, e ninguha pescadora máis, a pesar de que as buscamos. Carlos ten localizadas ata catro, nestes días pasados. Sí que había un bo grupo de patos, entre os que había máis rabilongos e asubiadores.

Logo paramos no Muro de Lamas, onde o máis chamativo era a presenza dun pato branco.

E a última parada foi no observatorio de Reme, desde onde poidemos fotografar a Panchita. E tamén a algúns pequenos paxariños que non paraban de rebolotear entre os carballos e as silveiras.

Aquí vai a relación de especies observadas:

Castellano / Nombre científico / Galego

Tarro blanco / Tadorna tadorna / Pato branco

Ánade silbón / Mareca penelope / Asubiador - pato asubión

Ánade azulón / Anas platyrhynchos / Lavanco

Ánade rabudo / Anas acuta / Pato rabilongo

Cormorán / Phalacrocorax carbo / Corvo mariño

Garceta / Egretta garzetta / Garzota

Garza real / Ardea cinerea / Garza real

Espátula / Platalea leucorodia / Cullereiro

Ratonero / Buteo buteo / Miñato

Águila pescadora / Pandion haliaetus / Aguia pescadora

Chorlitejo grande / Charadrius hiaticula / Píllara real

Chorlito gris / Pluvialis squatarola / Píllara cincenta

Correlimos común / Calidris alpina / Pilro común - pilro curlibico

Zarapito trinador / Numenius phaeopus / Mazarico chiador

Zarapito real / Numenius arquata / Mazarico real

Archibebe claro / Tringa nebularia / Bilurico pativerde - bilurico claro

Andarríos chico / Actitis hypoleucos / Bilurico das rochas - bilurico bailón

Aguja colinegra / Limosa limosa / Mazarico rabinegro

Gaviota reidora / Chroicocephalus ridibundus / Gaivota chorona

Gaviota sombría / Larus fuscus / Gaivota escura

Gaviota patiamarilla / Larus michahellis / Gaivota patiamarela

Martín pescador / Alcedo atthis / Picapeixe - martiño peixeiro

Petirrojo / Erithacus rubecula / Paporrubio

Mosquitero común / Phylloscopus collybita / Picafollas común

Reyezuelo listado / Regulus ignicapilla / Estreliña riscada

Mito / Aegithalos caudatus / Ferreiriño rabilongo

Carbonero garrapinos / Parus ater / Ferreiriño negro

Carbonero / Parus major / Ferreiro abelleiro - ferreiriño real

Saúdos e ata a próxima.

Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com