Páginas del blog Ría de Ribadeo

miércoles, 11 de enero de 2012

Época de invernantes

Estamos na mellor época do ano para observar avifauna nas rías galegas, e a ría de Ribadeo é un claro exemplo delo. As aves invernantes chegan ás nosas costas fuxindo do frío do norte de Europa, e escollen estas terras máis meridionais e cun clima máis suave para pasar o inverno. Gracias a este fenómeno migratorio, nesta época os aficionados á natureza e á ornitoloxía podemos disfrutar dunha maior variedade de especies e dun maior número de exemplares. Nestos meses a ría de Ribadeo está rebosante de vida, e son moitas as aves que se poden ver con facilidade.

Invernantes na ría

Centenares de anátidas (a familia dos patos), ardeidas (garzas), láridos (gaivotas), etc., déixanse ver por tódalas partes da ría. Cada familia soe ter uns lugares ou zonas favoritos, según o hábitat que prefiran. Así, as ardeidas destacan polo seu gran número na enseada da Liñeira e O Esquilo, onde se poden contar deceas de garzotas e garzas reais. Tamén é fácil ver cullereiros, invernantes habituais na ría, así como diferentes especies de limícolas coma mazaricos, biluricos, pilros... E anátidas coma o abundante pato asubiador ou o común lavanco son frecuentes aquí.

Cullereiro, lavancos e patos asubiadores na enseada da Liñeira

Pola súa parte, especies coma o pato rabilongo ou as cercetas prefiren a zona do Muro de Lamas, sendo o observatorio de Reme un bo punto para a súa observación. Estos días cóntanse por centos estas anátidas aquí, sendo o mellor momento para poder velas a menor distancia as horas previas a que a preamar cubra a zona de limos fronte ó observatorio.

Muro de Lamas - Ría de Ribadeo
Anátidas desde o observatorio de Reme

Tamén aquí poden verse nestos meses unha grande cantidade de limícolas coma mazaricos reais ou mazaricos chiadores, que se poden ver tamén moi ben na zona próxima á desembocadura do río Grande, unha vez pasado Reme.

Limícolas no Muro de Lamas

Son moitas as posibilidades para achegarse ó mundo das aves na ría de Ribadeo, e tanto o máis experto ornitólogo coma o simple aficionado ou quen desexe iniciarse nesta afición, dispón dun valioso ecosistema do que poder disfrutar. Entre todos temos que concienciarnos da importancia deste espazo natural, e ser capaces de protexelo e valoralo como se merece. Para elo é imprescindible coñecelo, e desde este blog, na medida das súas posibilidades, é o que se pretende, dar a coñecer a importancia deste humidal. Desgraciadamente está ainda moi pouco protexido e valorado, e está continuamente exposto a un gran número de ameazas, casi todas elas relacionadas coa actividade humana. E o primeiro paso para protexelo, é coñecelo e valoralo.




Imágenes y texto propiedad de:
Enrique Sampedro Miranda
Ría de Ribadeo: http://ria-de-ribadeo.blogspot.com



2 comentarios:

  1. Noraboa polo traballo. Aproveitaremos o que ppoidamos .... Sorte e a seguir ...
    Manel

    ResponderEliminar