Eider, ollodourado (porrón osculado), e algunha cousa máis.

Para finalizar o ano, deixo nota das miñas últimas observacións pola Ría de Ribadeo, que veñen a completar o censo de aves invernantes que fixen a principios de mes (ver). En primeiro lugar, dar conta da presenza dun ollodourado (porrón osculado / Bucephala clangula), que observei na enseada la Lieira o día 26. Ademais, vin tamén ese día unha femia de eider (Somateria mollisima), que estaba pousada no tesón. E por alí preto andaba tamén un pentumeiro (negrón común / Melanitta nigra).

A femia de eider sobre o tesón (dereita) e o pentumeiro no mar (esquerda)

Engado tamén unha especie que non me saíra no censo, como é o carrán cristado (charrán patinegro / Sterna sandvicensis), dos que vin 3 exemplares. E por último, actualizo o número de pilros comúns (correlimos comunes / Calidris alpila), que puiden contar mellor estes días, saíndome unha cifra de 232.

Con isto, como dícía, finalizo as miñas observacións do ano 2018 na ría.

Corvo mariño, gaivotón e gaivota patiamarela.

Cullereiros

Rabirrubio

Saúdos e ata a próxima.

Imaxes e texto baixo licenza Creative Commons
Enrique Sampedro Miranda

Blog Ría de Ribadeo: www.riaderibadeo.com