Comezando o ano pola ría

 

Qué mellor forma de comezar o ano que paseando pola ría para observar aves. O día de aninovo foi un día de moita choiva, pero os seguintes o tempo acompañou, así que foron boas xornadas para a observación. Entre as cousas máis destacadas que se podían ver nestes días era a presenza dunha avoceta (Recurvirostra avosetta), especie cada vez menos frecuente de ver no noso estuario. Eu particularmente levaba anos sen ver unha por aquí.

Outra das "rarezas" deste ano son cinco gansos de cara negra (Branta bernicla) que se moven no entorno do tesón da Berlinga.

Tamén destacable a presenza dun mergo cristado (Mergus serrator).

E aquí unhas especies típicas destas datas na Ría de Ribadeo, a mobella (Gavia immer).

Debido á gran cantidade de choiva caída entre os días 31 e 1 (máis de 75 l./m2) a ría presentaba a típica cor chocolate destes episodios de choiva, cando os ríos e regatos que desembocan na ría traen gran carga de sedimentos.

O día 3 atopeime con Serafín González, da SGHN, que estaba facendo o censo de aves invernantes para esta sociedade. Uninme a él e a Pilar, que o acompañaba, e xuntos percorrimos varios puntos da ría observando e censando especies. Aquí vai o listado de especies identificadas. As cifras de exemplares  déixoas para publicar máis adiante, cando recopile todos os datos que teño de varias saídas no mes de xaneiro.

Nombre científico	Castellano	Galego
Gavia immer	Colimbo grande	Mobella grande
Podiceps nigricollis	Zampullín cuellinegro	Mergullón de pescozo negr
Phalacrocorax carbo	Cormorán	Corvo mariño
Bubulcus ibis	Garcilla bueyera	Garza boieira - garza mediana
Egretta garzetta	Garceta	Garzota
Ardea cinerea	Garza real	Garza real
Platalea leucorodia	Espátula	Cullereiro
Branta bernicla	Barnacla carinegra	Ganso de cara negra
Mareca penelope	Ánade silbón	Asubiador - pato asubión
Mareca strepera	Ánade friso	Pato frisado
Anas crecca	Cerceta	Cerceta
Anas platyrhynchos	Ánade real	Lavanco
Anas acuta	Ánade rabudo	Pato rabilongo
Mergus serrator	Serreta mediana	Mergo cristado
Haematopus ostralegus	Ostrero	Lampareiro (galego local) - gabita
Recurvirostra avosetta	Avoceta	Avoceta
Charadrius hiaticula	Chorlitejo grande	Píllara real
Pluvialis squatarola	Chorlito gris	Píllara cincenta
Calidris alpina	Correlimos común	Pilro común - pilro curlibico
Limosa limosa	Aguja colinegra	Mazarico rabinegro
Numenius phaeopus	Zarapito trinador	Mazarico chiador
Numenius arquata	Zarapito real	Mazarico real
Tringa totanus	Archibebe común	Bilurico patirrubio - bilurico común
Tringa nebularia	Archibebe claro	Bilurico pativerde - bilurico claro
Actitis hypoleucos	Andarríos chico	Bilurico das rocha
Chroicocephalus ridibundus	Gaviota reidora	Gaivota chorona
Larus fuscus	Gaviota sombría	Gaivota escura
Larus michahellis	Gaviota patiamarilla	Gaivota patiamarela
Larus marinus	Gavión atlántico	Gaivotón
Alcedo atthis	Martín pescador	Picapeixe
Circus aeruginosus	Aguilucho lagunero	Tartaraña das xunqueiras
Buteo buteo	Ratonero	Miñato
Pandion haliaetus	Águila pescadora	Aguia pescadora

Saudos e ata a próxima.

 

Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com