Páginas del blog Ría de Ribadeo

martes, 30 de marzo de 2021

Remodelación do observatorio de aves sobre a Ría de Ribadeo

Fai pouco comentaba aquí mesmo a actuación que se estaba facendo no observatorio de Reme (Ribadeo), ó desmontar a anterior estructura e acondicionar a zona. Porque como dícia, por desgracia aquilo era usado en moitas ocasións coma retrete por persoas con moita incontinencia e moi pouca educación. E cando os que realmente facíamos uso del para o que era, un observatorio de aves, atopábamos todo nunhas condicións que daban realmente noxo. 

 

Antigo observatorio

O que vin a última vez que estiven alí foi xa o observatorio antigo desmontado, e a zona acondicionada. Ademáis fíxose unha limpeza de vexetación que había entre o observatorio e a ría, e que impedía unha boa observación, cortándose para isto tamén tres eucaliptos, segundo a información facilitada polo Concello de Ribadeo. Ainda que eu botaba de menos que non puxeran outra estructura que sustituira ó anterior observatorio, e parecíame que ainda que así a cousa xa melloraba, os aficionados á ornitoloxía quedabamos sen refuxo para cando chovera ou fixera mal tempo.



 

Pero hoxe escribo este artigo para apuntar que as obras estaban sen rematar, e que se acaba de instalar un novo observatorio. Así que con moito gosto rectifico o que comentaba na anterior entrada, e dou a noraboa ó Concello de Ribadeo por esta acertada actuación, e por ter en conta as necesidades dun turismo ornitolóxico co que se mostrou moi comprometido nos últimos anos. Tal e como podedes ver nesta foto publicada na web do Concello, o novo observatorio está aberto pola parte que da á estrada, o que impedirá que o seu interior volva utilizarse coma retrete, xa que quedará aberto.


Según consta na nota de prensa “o presuposto dos traballos é de 24.200 euros, dos que nos subvencionan 20.000, en dúas anualidades. A axuda é da Rede Natura, da dirección xeral de Patrimonio Natural da Conselleria de Medio ambiente”.

E precisamente para falar desta actuación de mellora do observatorio, así como da riqueza e valores da Ría de Ribadeo, chamáronme de Radio Voz para facer esta entrevista que aquí comparto.

 

 

 

Saúdos e ata a próxima.


Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com

domingo, 14 de marzo de 2021

A invernada na ría vai chegando ó seu fin


A invernada de aves está chegando ó seu final. De feito, moitas das invernantes da ría xa se foron ós seus lugares de cría. Pero aínda non todas, e podemos ver os últimos individuos de varias especies, antes de que emprendan tamén a súa viaxe. A pasada semana tiven que ir a Ribadeo por un asunto persoal (cumprindo por suposto coa normativa establecida nestes tempos de COVID), así que aproveitei para botar un vistazo pola ría. Ou mellor dito, pola beira galega da ría, xa que a Asturias non se pode pasar. 


 

Castellano / Nombre científico / Galego
17- Ánade silbón / Anas penelope / Asubiador - pato asubión
Ánade real / Anas platyrhynchos / Lavanco
3- Ánade rabudo / Anas acuta / Pato rabilongo
1- Colimbo grande / Gavia immer / Mobella grande
Cormorán / Phalacrocorax carbo / Corvo mariño
30- Garceta / Egretta garzetta / Garzota
8- Garza real / Ardea cinerea / Garza real
7- Espátula / Platalea leucorodia / Cullereiro
1- Aguilucho lagunero / Circus aeruginosus / Tartaraña
das xunqueiras
1- Ratonero / Buteo buteo / Miñato
1- Águila pescadora / Pandion haliaetus / Aguia pescadora
8- Zarapito real / Numenius arquata / Mazarico real
28- Archibebe claro / Tringa nebularia / Bilurico pativerde
Gaviota reidora / Chroicocephalus ridibundus / Gaivota chorona
Gaviota sombría / Larus fuscus / Gaivota escura
Gaviota patiamarilla / Larus michahellis / Gaivota patiamarela
Gavión atlántico / Larus marinus / Gaivotón
1- Martín pescador / Alcedo atthis / Picapeixe

 




Como podedes ver, non queda xa moita cousa, pero aínda había unha pescadora, biluricos, uns poucos asubiadores e rabilongos, e ata unha mobella. Así que algo de sabor a invernada aínda se nota.

Aproveito tamén esta entrada para comentar que se derribou o antigo obsertario de Reme, e no seu lugar quedaron só os bancos que había no interior, adecentando tamén algo máis a zona. O motivo foi a constante suciedade que había no lugar, xa que moita xente usaba o observatorio como retrete, dando verdadeiro noxo entrar alí en moitas ocasións. Así que por ese lado, a actuación era necesaria. Pero penso que se podía ter optado por unha solución mellor, como sería por exemplo quitar soamente a parede do observatorio que daba á estrada, de modo que quedase descuberto cara a ese lado, o que evitaría ese mal uso que se lle deba. E dese xeito, os que imos observar aves dende alí, seguiríamos tendo un observatorio cuberto e con refuxio para a choiva.

NOTA POSTERIOR: Edito esta entrada para deixar constancia de que finalmente se instalou un observatorio cuberto. Engado máis información aquí.


Saúdos e ata a próxima.



Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com