Remodelación do observatorio de aves sobre a Ría de Ribadeo

Fai pouco comentaba aquí mesmo a actuación que se estaba facendo no observatorio de Reme (Ribadeo), ó desmontar a anterior estructura e acondicionar a zona. Porque como dícia, por desgracia aquilo era usado en moitas ocasións coma retrete por persoas con moita incontinencia e moi pouca educación. E cando os que realmente facíamos uso del para o que era, un observatorio de aves, atopábamos todo nunhas condicións que daban realmente noxo. 

 

Antigo observatorio

O que vin a última vez que estiven alí foi xa o observatorio antigo desmontado, e a zona acondicionada. Ademáis fíxose unha limpeza de vexetación que había entre o observatorio e a ría, e que impedía unha boa observación, cortándose para isto tamén tres eucaliptos, segundo a información facilitada polo Concello de Ribadeo. Ainda que eu botaba de menos que non puxeran outra estructura que sustituira ó anterior observatorio, e parecíame que ainda que así a cousa xa melloraba, os aficionados á ornitoloxía quedabamos sen refuxo para cando chovera ou fixera mal tempo.

 

Pero hoxe escribo este artigo para apuntar que as obras estaban sen rematar, e que se acaba de instalar un novo observatorio. Así que con moito gosto rectifico o que comentaba na anterior entrada, e dou a noraboa ó Concello de Ribadeo por esta acertada actuación, e por ter en conta as necesidades dun turismo ornitolóxico co que se mostrou moi comprometido nos últimos anos. Tal e como podedes ver nesta foto publicada na web do Concello, o novo observatorio está aberto pola parte que da á estrada, o que impedirá que o seu interior volva utilizarse coma retrete, xa que quedará aberto.

Según consta na nota de prensa “o presuposto dos traballos é de 24.200 euros, dos que nos subvencionan 20.000, en dúas anualidades. A axuda é da Rede Natura, da dirección xeral de Patrimonio Natural da Conselleria de Medio ambiente”.

E precisamente para falar desta actuación de mellora do observatorio, así como da riqueza e valores da Ría de Ribadeo, chamáronme de Radio Voz para facer esta entrevista que aquí comparto.

 

 

 

Saúdos e ata a próxima.

Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com

Resumo do Día Mundial dos Humidais 2019

Como moitos xa sabedes, hoxe celebramos en Ribadeo o Día Mundial dos Humidais. E como tódolos anos, con dúas actividades, unha charla pola mañá, e pola tarde unha ruta ornitolóxica pola ría.

A charla da mañá correu desta vez a cargo miña, cunha exposición sobre os 25 anos da declaración da Ría de Ribadeo coma Humidal de Impotancia Internacional (humidal Ramsar). Nela demos conta das ameazas coas que a ría se enfronta, e da evolución e estado actual das poboacións de aves no noso humidal.

Xa pola tarde, realizamos a tradicional ruta ornitolóxica pola ría, que nos permitiu ver moitas desas especies das que falamos pola mañá: cullereiros, mazaricos, biluricos, garzas, garzotas, gaivotas, patos rabilongos, frisados, asubións, ou as tres aguias pescadoras invernantes. 

Desde aquí quero agradecer ó Concello de Ribadeo a organización desta xornada, na que levamos colaborando xa durante oito anos, e que agardemos se siga celebrando durante moitos máis. Grazas ó alcalde Fernando Súarez por acudir á charla, e polo detalle que tiveron ó final da mesma comigo. E moi especialmente, grazas tamén á concelleira de turismo Ana María Martínez, implicada desde o primeiro momento en que comezamos con esta idea, e impulsora da mesma, e a Begoña García, técnica de turismo, e parte fundamental da organización destas xornadas durante todos estes anos. Coma sempre, foi un pracer para mín colaborar nesta xornada, na miña vila, coa miña xente, e para defender e divulgar os valores da nosa querida ría.

Para rematar, déixovos tamén aquí a entrevista que me fixeron esta semana no programa Voces da Mariña de Radio Voz, falando destes temas. 

 

Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com

As actividades do Día dos Humidais no programa "Voces da Mariña"

Este sábado 18 de febreiro, celebraremos en Ribadeo o Día Mundial dos Humidais. Aquí deixo a entrevista que me fixeron onte no programa Voces da Mariña, de Radio Voz, falando sobre estas actividades, así como das aves da Ría de Ribadeo.

Imaxes e texto baixo licenza Creative Commons
Enrique Sampedro Miranda

Blog Ría de Ribadeo: www.riaderibadeo.com

Entrevista en Radio Adaja

Esta semana me entrevistaron en el programa Territorio Natural de Radio Adaja, emisora local de Arévalo, que también emite por Internet. En la entrevista tuve ocasión de charlar sobre diversos temas relacionados con la naturaleza y la observación de aves. Hicimos especial hincapié en los contrastes que existen en estos y otros aspectos entre La Moraña, la comarca en donde se ubica Arévalo, y la Ría de Ribadeo y la zona cantábrica. Sin más rodeos, aquí dejo para quien le interese escucharla la grabación de la entrevista. Y quiero desde aquí agradecer a Víctor Coello y David García, los conductores del programa, y a Lorena García, la directora, haberme invitado a pasar este agradable rato hablando sobre estos temas.

Imágenes y texto bajo licencia Creative Commons
Enrique Sampedro Miranda
Blog Ría de Ribadeo: www.riaderibadeo.com