Páginas del blog Ría de Ribadeo

domingo, 28 de febrero de 2016

Rematando a invernada na Ría de Ribadeo

A pasada fin de semana (20 de febreiro) estiven en Ribadeo. Fun entre outras cousas para dar unha charla sobre "As aves da ría de Ribadeo", invitado polo Clube de Piragüismo Altruán. Así que comezo dándolles as gracias, especialmente a Tito Rodríguez. E tamén quero dar as gracias ó Concello de Ribadeo, sobre todo a dúas persoas que están moi involucradas co turismo ornitolóxico na nosa ría, e sempre contan comigo para estes temas, como son a concelleira de turismo Ana Martínez e a técnico de turismo Begoña García.

Dito isto, aquí vos deixo unhas fotos de como está a ría nestes últimos días da invernada. Na praia de Salías, coma sempre gran cantidade de limícolas. Máis dun cento de pilros comúns (Calidris alpina), decenas de biluricos pativerdes (Tringa nebularia) e mazaricos reais (Numenius arquata), varios mazaricos rabinegros (Limosa limosa), unhas 10 píllaras reais (Charadrius hiaticula), garzas reais (Ardea cinerea), e garzotas (Egretta garzetta).



Pilros comúns e dous biluricos pativerdes

Biluricos pativerdes, pilros comúns e unha píllara real (arriba á dereita)



Mazaricos reais


Píllaras reais

Píllara real










Desde Castropol, nos penedos que se ven na enseada da Lieira puiden contar 13 cullereiros (Platalea leucorodia) entre as garzas reais, garzotas e corvos mariños grandes (Phalacrocorax carbo).



Tamén na Lieira se vía un grupo dunhas 70 gaivotas escuras (Larus fuscus), entre as que había unha cabecinegra (Larus melanocephalus).

Gaivotas escuras

Gaivota cabecinegra


Desde a Punta de Castropol, ademáis dunhas fermosas vistas da ría, e dos remeiros asturianos que entrenan pola zona, observei 4 mobellas (Gavia immer), e 3 mergullóns de pescozo negro (Podiceps nigricollis).



Mobella grande

Mobella grande


Xa desde a beira galega, fotografei este par de lampareiros (Haematopus ostralegus).




E estas fotos non son miñas, senon da miña irmá Carmen Sampedro, a quen parece que lle estou tamén metendo o gusaniño das aves. Os ribadenses coñeceredes ben este lugar da ría. É Penafurada, e pódense ver as dúas especies de corvos mariños, o grande (Phalacrocorax carbo) e o cristado (Phalacrocorax aristotelis).

Foto: Carmen Sampedro

Foto: Carmen Sampedro


E para rematar, déixovos tamén un par de fotos da charla da que vos falaba ó principio.






Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com

jueves, 11 de febrero de 2016

20 de febreiro, charla sobre as "Aves da Ría de Ribadeo"

O próximo sábado 20 de febreiro terei o gusto de ofrecer unha charla sobre as "Aves da Ría de Ribadeo". Será na Casa da Xuventude (ó pé da Biblioteca Municipal), ás 11:00 da mañá. O acto está organizado polo Clube de Piragüismo Altruán, que contactaron comigo para propoñerme facer esta charla, na que tamén colabora o Concello de Ribadeo. Así pois, todo aquel que estea interesado en coñecer algo máis da riqueza faunística da nosa ría, alí vos espero. Será a actividade deste ano para conmemorar o Día Mundial dos Humidais, como vimos facendo en Ribadeo desde hai xa uns cantos anos.




Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com

jueves, 4 de febrero de 2016

Cigüeñas en Arévalo y grullas en Aldeaseca

El domingo 31 de enero los amigos de Territorio Natural organizaron en Arévalo (Ávila) su ya tradicional jornada de observación de cigüeñas, "Por San Blas, la cigüeña verás". Y en la Plaza del Arrabal montaron los telescopios para que cualquiera que pasase por allí pudiese echar un vistazo más de cerca a estas peculiares vecinas de la villa. Así que aprovechando que yo estaba en Aldeaseca el fin de semana, me acerqué a ver a las cigüeñas, y a charlar un rato con Víctor, David y Javi.

Cigüeñas en la Iglesia de El Salvador

En la Plaza del Arrabal




Después de un rato, me volví a Aldeaseca, para ver si localizaba las grullas que según me contó Víctor, han vuelto en las últimas fechas a querenciar la zona, al igual que ya ocurrió el año pasado. Y efectivamente allí estaban. Concretamente había un grupo de 52 ejemplares.








También por la zona había un grupo de 12 cigüeñas, que tienen su colonia en uno de los pinares cercanos.







Y otras que se dejaban ver en los campos de la zona eran las avefrías.





Imágenes y texto bajo licencia Creative Commons
Enrique Sampedro Miranda
Blog Ría de Ribadeo: www.riaderibadeo.com