Esta semana, aproveitando o bo tempo, estiven facendo o meu censo de aves invernantes na ría. Antes de ir coas cifras totais, comentarei brevemente algúns datos. Comezo por comparar un dos que considero "indicadores" da saúde ornitolóxica do humidal, como son as anátidas. En xeral, podemos dicir que foi un inverno frouxo para estas especies. Pero por desgraza, non é só cuestión dun ano, senon que esta ven sendo a tendencia das dúas últimas décadas na ría, onde as anátidas están en clara regresión. Por exemplo, este ano contei 86 patos rabilongos, o que está bastante por debaixo da media dos últimos dez anos. E non digamos nada se o comparamos coas medias de varias décadas, que triplican esta cifra, con máximos de 800 ou 900 a principios dos noventa.
 |
| Patos rabilongos |
Algo similar ocorre co pato asubiador, que cuns 200 exemplares, divide por tres as cifras se collemos medias de dúas ou tres décadas anteriores. As 120 cercetas están máis ou menos en liña cos últimos anos, pero tamén por debaixo da media da última década. E moito máis aínda se o comparamos coa media dos últimos vinte anos, que é case do dobre. Ata os lavancos, que parecían resistir en invernos anteriores a comparación con medias de décadas pasadas, quedan este ano en cifras moi baixas.
As aves limícolas tamén teñen unha tendencia descendente, ainda que menos acusada que a das anátidas. Os mazaricos reais son os que máis están baixando, e o seu número reduciuse á metade con respecto á media dos últimos trinta anos. Os pilros comúns baixan tamén lixeiramente. Pola contra, mazaricos chiadores, rabinegros, biluricos claros ou píllaras cincentas manteñen números similares.
 |
| Píllaras cincentas |
Por decimocuarto inverno, desde aquel ano 2011 no que apareceu Panchita, temos aguia pescadora invernando na ría. Este ano tres, a propia Panchita, e outras dúas máis, na liña tamén dos últimos anos.
En canto a especies que podemos considerar "rarezas", ou cando menos, pouco habituais, aparece de novo a presenza este ano dunha avoceta. Tamén un ganso bravo, e un pato cristado.
 |
| Avoceta |
 |
| Ganso bravo |
E pecho esta breve análise, coas especies de éxito, aquelas que consegueron adaptarse ós grandes cambios que sufriu o noso humidal para aumentar a súa poboación invernante. Sen dúbida a gran destacada é a garza boieira, que en consoancia co que ocorre no resto do Cantábrico, experimentou unha explosión poboacional sen parangón. Ata tal punto, que sen contar as gaivotas, trátase xa da especie que maior número de individuos aporta ó censo.
 |
| Garzas boieiras |
Tamén os cullereiros forman parte xa da nosa avifauna habitual, desde que se comenzaron a quedar a invernar na ría hai xa vinte anos. O seu número foi crecendo pouco a pouco, ata pasar da corentena estes últimos dous anos.
 |
| Cullereiros |
E agora sí, imos coas cifras de individuos por especie que saquei estes días na ría.
| Nome científico | N. castellano |
N. galego | Número |
| Gavia arctica | Colimbo ártico | Mobella ártica | 1 |
| Podiceps nigricollis | Zampullín cuellinegro | Mergullón de pescozo negro | 6 |
| Phalacrocorax carbo | Cormorán grande | Corvo mariño | 45 |
| Phalacrocorax aristotelis | Cormorán moñudo | Corvo
mariño cristado |
2 |
| Bubulcus ibis | Garcilla bueyera | Garza boieira | 520 |
| Egretta garzetta | Garceta | Garzota | 30 |
| Ardea cinerea | Garza real | Garza real | 63 |
| Platalea leucorodia | Espátula | Cullereiro | 41 |
| Anser anser | Ánsar común | Ganso bravo | 1 |
| Mareca penelope | Silbón | Pato asubiador | 205 |
| Anas crecca | Cerceta | Cerceta | 120 |
| Anas platyrhynchos | Ánade azulón | Lavanco | 300 |
| Anas acuta | Ánade rabudo | Pato rabilongo | 86 |
| Aythya fuligula | Porrón moñudo | Pato cristado | 1 |
| Melanitta nigra | Negrón | Pentumeiro | 6 |
| Haematopus ostralegus | Ostrero | Lampareiro/gabita | 9 |
| Recurvirostra avosetta | Avoceta | Avoceta | 1 |
| Pluvialis squatarola | Chorlito gris | Píllara cincenta | 32 |
| Calidris alpina | Correlimos común | Pilro comú | 190 |
| Limosa limosa | Aguja colinegra | Mazarico rabinegro | 15 |
| Numenius phaeopus | Zarapito trinador | Mazarico chiador | 16 |
| Numenius arquata | Zarapito real | Mazarico real | 43 |
| Tringa totanus | Archibebe común | Bilurico común | 2 |
| Tringa nebularia | Archibebe claro | Bilurico claro | 42 |
| Actitis hypoleucos | Andarríos chico | Bilurico das rochas | 12 |
| Chroicocephalus ridibundus | Gaviota reidora | Gaivota chorona | x |
| Larus fuscus | Gaviota sombría | Gaivota escura | x |
| Larus michahellis | Gaviota patiamarilla | Gaivota patiamarela | x |
| Larus marinus | Gavión atlántico |
Gaivotón | 4 |
| Alcedo atthis | Martín pescador | Picapeixe | 1 |
| Circus aeruginosus | Aguilucho lagunero | Tartaraña das xunqueiras | 2 |
| Buteo buteo | Busardo ranotero | Miñato | 1 |
| Pandion haliaetus | Águila pescadora | Aguia pescadora | 3 |
*x - especie observada, sen contar exemplares.
 |
| Mobella ártica |
 |
| Garza real |
Saúdos e ata a próxima.
Imaxes e texto baixo licenza Creative Commons
Enrique Sampedro Miranda
Blog Ría de Ribadeo: www.riaderibadeo.com
.JPG)
.JPG)
.JPG)
.JPG)
.JPG)
