Páginas del blog Ría de Ribadeo

domingo, 14 de marzo de 2021

A invernada na ría vai chegando ó seu fin


A invernada de aves está chegando ó seu final. De feito, moitas das invernantes da ría xa se foron ós seus lugares de cría. Pero aínda non todas, e podemos ver os últimos individuos de varias especies, antes de que emprendan tamén a súa viaxe. A pasada semana tiven que ir a Ribadeo por un asunto persoal (cumprindo por suposto coa normativa establecida nestes tempos de COVID), así que aproveitei para botar un vistazo pola ría. Ou mellor dito, pola beira galega da ría, xa que a Asturias non se pode pasar. 


 

Castellano / Nombre científico / Galego
17- Ánade silbón / Anas penelope / Asubiador - pato asubión
Ánade real / Anas platyrhynchos / Lavanco
3- Ánade rabudo / Anas acuta / Pato rabilongo
1- Colimbo grande / Gavia immer / Mobella grande
Cormorán / Phalacrocorax carbo / Corvo mariño
30- Garceta / Egretta garzetta / Garzota
8- Garza real / Ardea cinerea / Garza real
7- Espátula / Platalea leucorodia / Cullereiro
1- Aguilucho lagunero / Circus aeruginosus / Tartaraña
das xunqueiras
1- Ratonero / Buteo buteo / Miñato
1- Águila pescadora / Pandion haliaetus / Aguia pescadora
8- Zarapito real / Numenius arquata / Mazarico real
28- Archibebe claro / Tringa nebularia / Bilurico pativerde
Gaviota reidora / Chroicocephalus ridibundus / Gaivota chorona
Gaviota sombría / Larus fuscus / Gaivota escura
Gaviota patiamarilla / Larus michahellis / Gaivota patiamarela
Gavión atlántico / Larus marinus / Gaivotón
1- Martín pescador / Alcedo atthis / Picapeixe

 




Como podedes ver, non queda xa moita cousa, pero aínda había unha pescadora, biluricos, uns poucos asubiadores e rabilongos, e ata unha mobella. Así que algo de sabor a invernada aínda se nota.

Aproveito tamén esta entrada para comentar que se derribou o antigo obsertario de Reme, e no seu lugar quedaron só os bancos que había no interior, adecentando tamén algo máis a zona. O motivo foi a constante suciedade que había no lugar, xa que moita xente usaba o observatorio como retrete, dando verdadeiro noxo entrar alí en moitas ocasións. Así que por ese lado, a actuación era necesaria. Pero penso que se podía ter optado por unha solución mellor, como sería por exemplo quitar soamente a parede do observatorio que daba á estrada, de modo que quedase descuberto cara a ese lado, o que evitaría ese mal uso que se lle deba. E dese xeito, os que imos observar aves dende alí, seguiríamos tendo un observatorio cuberto e con refuxio para a choiva.

NOTA POSTERIOR: Edito esta entrada para deixar constancia de que finalmente se instalou un observatorio cuberto. Engado máis información aquí.


Saúdos e ata a próxima.



Imaxes e texto baixo licenza Creative Commons

Enrique Sampedro Miranda

Blog Ría de Ribadeo: www.riaderibadeo.com


3 comentarios:

  1. Mira que é fácil solucionar o dos observatorios: unha plataforma lixeiramente elevada, aberta por todo e con teito para a chuvia, sen máis (coma os do Delta do Ebre ou algún da Limia). O resto, neste país de cafres e administracións covardes é gastar por gastar. Todo para que se convirta nun retrete, como ben dis.
    Sobra el dinero!!

    ResponderEliminar
  2. Ola Xabi. Totalmente dacordo. Co fácil que sería ter feito algo así... Pois nada, agora os días de choiva tocará mollarse. Total, somos catro os frikis que andamos por aí vendo páxaros. Para qué van pensar en nós.
    Apertas.

    ResponderEliminar
  3. Pois mira, resulta que estábamos falando antes de tempo. A obra estaba sen rematar, e agora puxeron a parte que faltaba. Así que con moito gosto rectifico as miñas palabras, e agradezo enormemente ó Concello de Ribadeo esta actuación, que tanta falta facía.

    ResponderEliminar