Limícolas en paso

Como contaba na anterior entrada, estas datas son especialmente boas para a observación de aves na ría de Ribadeo, posto que nos atopamos en plena época de paso, na que as aves migratorias pasan pola nosa costa na súa viaxe entre os lugares de cría e os de invernada. Por iso, son moitas e moi variadas as especies que se poden ver alimentándose ou descansando no interior da ría. Aproveitando esta situación, o pasado mércores puiden sacar unha morea de fotos especialmente ás limícolas que se congregan na preamar no Muro de Lamas, un dos mellores lugares da ría para observar estas especies.

 

Mazaricos reais (numenius arquata), biluricos pativerdes (tringa nebularia) e gaivotas choronas (larus ridibundus).

 

 

Desde as dúas clases comúns de mazaricos, o real e o chiador, pasando por biluricos, pilros ou píllaras, centos de limícolas ocupaban esa zona intermareal. Velaquí unhas cantas fotos das diferentes especies.

 

Mazaricos reais / numenius arquata / zarapitos reales e mazaricho chiador / numenius phaeopus / zarapito trinador (dereita)

Mazarico chiador / numenius phaeopus / zarapito trinador

Bilurico pativerde / tringa nebularia / archibebe claro e Bilurico común / tringa totanus / archibebe común

Píllara real / charadrius hiaticula / chorlitejo grande

Píllaras reais e pilros comúns / calidris alpina / correlimos común

Pilros comúns / calidris alpina / correlimos común

Píllara real entre os pilros

Píllara, pilros e garzota (egretta garzetta)

Mazaricos / numenius spp / zarapitos

 

 

Tamén había algunha especie menos común, como este combatente xuvenil que non tiña a certeza de que o fora (graciñas a Xabi Prieto e Cosme Damián pola axuda).  

Combatente / phylomachus pugnax / combatiente, abaixo á esquerda, entre biluricos comúns e pativerdes.

O mesmo exemplar, mais á dereita.

 

 

Pasei unha boa tarde observando e fotografando as limícolas no Muro de Lamas, disfrutando tamén no mesmo lugar doutras especies como garzotas (egretta garzetta) ou os lances dun martín pescador (alcedo atthis).

 

A zona do Muro de Lamas, no interior da ría.

 

Imágenes y texto bajo licencia Creative Commons 

Enrique Sampedro Miranda 

Ría de Ribadeo: http://ria-de-ribadeo.blogspot.com