Deixo nota das especies observadas o domingo 25 de setembro. Pola mañá achegueime ata Penarronda e Villadún. En Penarrónda subín á ermita de San Lorenzo, desde onde hai unha boa panorámica da praia. Desde aquí preto tamén se ven as illas Pantorgas, onde cría o corvo mariño cristado.
Estiven un rato observando aves mariñas como mazcatos, os citados corvos mariños (cristados e grandes), gaivotas, un par de pilros tridáctilos e, xa na praia, unha garza real acompañada dun lavanco.
En Villadún, o máis destacado era a presenza dun enorme bando de garzas boieiras nun prado xunto a un rebaño de vacas. Contei sobre unhas corenta (garzas, non vacas...).
Estiven tamén no recentemente instalado observatorio da pequena lagoa de Villadún. Pero dado o seu estado actual, por mor da prolongada seca que levamos, e que a vexetación cubriu prácticamente toda a súa contorna, desde o observatorio non se ve absolutamente nada.
Xa pola tarde, volvín sair, esta vez dar a volta á ría. En Salías, cunha forte preamar, gocei cos pequenos limícolas que se alimentaban na beira. Tamén andaban por alí un picapeixe e unha carriza dos xuncos.
Como podedes ver, había varias píllaras reais. Pero o número máis grande vino preto do Muro de Lamas, onde había un enorme bando sedimentado nunha beira da Xunqueira. Contei uns 60 exemplares. O maior número para esta especie que teño visto xamais na ría.
Tamén había mazaricos reais, uns 25, e gran número de lavancos (sobre 200 contei en toda a ría).
E por último, mencionar que vin dúas aguias pescadoras. Unha no niño artificial da Xunqueira, e a outra nuns paus no medio da ría. E por mais que busquei por tódolos pousadoiros, non vin ningunha outra. Pero máis tarde, falando con Carlos Sanjurjo, contoume que él tiña tres localizadas eses días.
Aquí vai o listado de especies observadas:
| Castellano
/ Nombre científico / Galego |
| Ánade silbón / Mareca penelope /
Asubiado |
| Ánade real / Anas platyrhynchos /
Lavanco |
| Ánade azulón / Anas platyrhynchos /
Lavanco |
| Alcatraz / Morus bassanus / Mascato |
| Cormorán / Phalacrocorax carbo / Corvo
mariño |
| Cormorán moñudo / Phalacrocorax
aristotelis / Corvo mariño cristado |
| Garcilla bueyera / Bubulcus ibis / Garza
boieira |
| Garceta / Egretta garzetta / Garzota |
| Garza real / Ardea cinerea / Garza real |
| Espátula / Platalea leucorodia /
Cullereiro |
| Aguilucho lagunero / Circus aeruginosus
/ Tartaraña das xunqueiras |
| Ratonero / Buteo buteo / Miñato |
| Águila pescadora / Pandion haliaetus /
Aguia pescadora |
| Chorlitejo grande / Charadrius hiaticula
/ Píllara real |
| Correlimos tridáctilo / Calidris alba /
Pilro tridáctilo |
| Correlimos común / Calidris alpina /
Pilro comú |
| Zarapito real / Numenius arquata /
Mazarico real |
| Andarríos chico / Actitis hypoleucos /
Bilurico das rochas |
| Gaviota reidora / Chroicocephalus
ridibundus / Gaivota chorona |
| Gaviota sombría / Larus fuscus / Gaivota
escura |
| Gaviota patiamarilla / Larus michahellis
/ Gaivota patiamarela |
| Martín pescador / Alcedo atthis /
Picapeixe - martiño peixeiro |
| Golondrina / Hirundo rustica / Andoriña
- anduriña |
| Tarabilla norteña / Saxicola rubetra /
Chasco norteño |
| Collalba gris / Oenanthe oenanthe /
Pedreiro cincento |
| Buitrón / Cisticola juncidis / Carriza
dos xuncos |
| Estornino negro / Sturnus unicolor /
Estorniño negro |
| Gorrión / Passer domesticus / Pardal |
| Jilguero / Carduelis carduelis / Xílgaro |
Saúdos e ata a próxima.
Imaxes e texto baixo licenza
Creative Commons
Enrique Sampedro Miranda
Blog Ría de Ribadeo:
www.riaderibadeo.com
.JPG)
