A charca de Rinlo, un punto quente para observar o paso migratorio

Estamos en plena época de paso migratorio, e a charca de Rinlo tense convertido nos últimos anos nun lugar privilexiado para observar diferentes especies, que a utilizan como lugar de parada na súa viaxe. Así que aproveitando que estou en Ribadeo nunhas datas tan interesantes coma estas para os observadores de aves, estes días estou pasando por alí ver o que hai. E non ten desperdicio, a verdade. Parece incrible que nun humidal (sendo bondadoso na súa denominación) tan minúsculo e aparentemente insignificante, se poida observar tal cantidade e variedade de aves. Tanto na propia charca coma nos arredores e prados circundantes destacan sobre todo as limícolas, que se concentran en grandes bandos. Así, por alí véñense observando desde patudas (Himantopus himantopus) ata combatentes (Philomachus pugnax), pasando por pilros de diferentes especies, virapedras, píllaras, mazaricos, biluricos, etc.

A charca de Rinlo

Onte, por exemplo, contei 35 píllaras reais (Charadrius hiaticula), pero esta mañá falando con Óscar Chao comentoume que ó mencer había aínda mais. E similares números para especies coma pilro común (Calidris alpina) ou pilros tridáctilos (Calidris alba). Tamén un número interesante de pilros gordos (Calidris canutus). Óscar comentoume que viu 7, ainda que eu só cheguei a ver 2.

Pilros gordos e píllaras reais

Pilro gordo

Bilurico patirrubio ou común, e pilros comúns

Pilro común

Pilro común

Píllara real

Píllara real

Pilros tridáctilos

Pilro pequeno no medio dos pilros tridáctilos

Virapedras

Outras que se poden ver son píllaras cincentas (Pluvialis squatarola) e douradas (Pluvialis apricaria), así coma biluricos patirrubios (Tringa totanus) e pativerdes (Tringa nebularia).

Píllara cincenta

Píllara cincenta (esquerda) e píllaras douradas (dereita)

Bilurico pativerde

Bilurico pativerde e pilro común

E do outro lado da charca, está o mar, onde podemos ver o espectáculo do paso migratorio “en vivo”. Cun pouco de paciencia e sorte, diante dos nosos ollos (prismáticos ou telescopio en ristre) pasan mascatos (Morus bassanus), gaivotas, carráns, pentumeiros (Melanitta nigra)... Todo un espectáculo.

Pentumeiros

Mascato

Para rematar esta entrada, gustaríame que esta fose a miña pequena homenaxe particular á lingua galega, neste 17 de maio, día das Letras Galegas. O galego é a miña lingua nai, coa que medrei e me eduquei, e que sempre me rodeou no meu entorno familiar e de amigos. Por iso para min o galego sempre será "a miña" lingua, ainda que como ben sabedes os asiduos do blog, non a única. Pero sempre seguirá ocupando un lugar especial neste espazo na rede.

Enrique Sampedro Miranda
Blog Ría de Ribadeo

www.riaderibadeo.com

Buscarla pintoja en Ribadeo (vídeo)

Hace días escribía en el blog sobre una buenísima observación de buscarla pintoja (Locustella naevia) que estuve haciendo en Ribadeo con Pablo Miki García (ver entrada). Ese mismo día grabé también un video, que no había tenido tiempo aún de colgar en el blog, y esta entrada es únicamente para eso. Así que sin más comentarios ni adornos, aquí va el video.

Saludos, y gracias por seguir el blog.


Imágenes y texto bajo licencia Creative Commons
Enrique Sampedro Miranda
Ría de Ribadeo: www.riaderibadeo.com

Qué ver nestas datas pola ría de Ribadeo

Pois o que se movía pola ría (que eu vira) a semana pasada, que foi cando fixen a miña última saída por alí, era o seguinte. Un grupo de 6 cullereiros (Platalea leucorodia / espátula), entre o que estaba o exemplar anelado que leva tempo na ría.

Nos mesmos penedos que estaban os cullereiros, na praia de Salías, habí tamén un par de garzas reais (Ardea cinerea / Garza real) e 3 lampareiros (Haematopus ostralegus / ostrero).

Polas beiras da Lieira movíase un grupo de 13 pilros comúns (Calidris alpina / correlimos común), 2 biluricos bailóns (Actitis hypoleucos / andarríos chico), 1 bilurico pativerde (Tringa nebularia / archibebe claro) e varios mazaricos (Numenius spp. / zarapitos).

Na zona interna da ría, pouca cousa. Un corvo mariño (Phalacrocorax carbo / cormorán grande) oteaba o panorama desde este pousadoiro, aproveitando a ausencia da súa propietaria lexítima, a nosa querida "Panchita". 

Ainda que había outra pescadora (Pandion haliaetus / águila pescadora) na ría eses días, observada por Pablo Miki o 19 de abril, e que ademais estaba anelada. Trátase de este exemplar, unha femia procedente de Escocia, concretamente do lago Lomond, onde fora anelada o 5/07/2012. Gracias Pablo por pasarme os datos e estas boas fotos.

Foto: Pablo "Miki" García

Foto: Pablo "Miki" García

E para finalizar esta entrada, unhas fotos doutra das visitas que fixen á charca de Rinlo nestes días de Semana Santa. Seguía por alí a patuda (Himantopus himantopus / cigüeñuela) observada en días anteriores, varios lavancos (Anas platyrhynchos), tres culleretes (Anas clypeata / pato cuchara), 5 pilros comúns, e un bilurico patirrubio (Tringa totanus / archibebe común).

Imágenes y texto bajo licencia Creative Commons
Enrique Sampedro Miranda

Ría de Ribadeo: www.riaderibadeo.com

Historial dos corvos mariños cristados observados en Rinlo

Teño xa o historial dos tres corvos mariños cristados (Phalacrocorax aristotelis) observados a pasada semana no Penedo do Corvo, en Rinlo, dos que falaba na anterior entrada. Facilitoumos David Álvarez (Blog Naturaleza Cantábrica), responsable do proxecto de anelamento desta especie nas colonias do Occidente de Asturias, a quen lle agradezo desde aquí a súa axuda. Os exemplares en cuestión son H4, 87 e F5.

De esquerda a dereita, os tres corvos mariños identificados: H4, 87 e F5

Como xa se vía polas características das anelas (código alfanumérico branco sobre anela de cor vermella) os tres exemplares foron anelados como dicía nas veciñas colonias do Occidente asturiano.Comezando por H4, foi anelado na Forcada, ó este de Tapia de Casariego, o 4 de maio do 2012, e observado nas seguintes ocasións:

Observación	Lugar Obs	Observador
20/05/2012	A Forcada	Ángeles Pastur
18/06/2012	A Forcada	Ángeles Pastur
05/07/2012	A Forcada	Ángeles Pastur
15/07/2012	A Forcada	Ángeles Pastur
08/08/2012	A Forcada	Ángeles Pastur
12/03/2014	Punta Feleiros (Ribadeo)	Carlos Murias
17/04/2014	Pta. Corveira, Rinlo (LU)	Enrique Sampedro

H4, á esquerda da foto

Pola súa banda, tanto 87 coma F5 proceden da colonia das Pantorgas, en Penarronda, e moito máis próxima ainda a Rinlo

O número 87 foi anelado o 9 de abril do 2010, e non se tiña volto a rexistrala súa observación ata agora. Así pois, sería unha boa nova para David saber da súa supervivencia ó longo destes 4 anos:

Observación	Lugar Obs	Observador
17/04/2014	Pta. Corveira, Rinlo (LU)	Enrique Sampedro

En canto a F5, foi anelado o 27 de maio de 2013, e as seguintes observacións foron todas neste mesmo lugar:

Observación	Lugar Obs	Observador
28/08/2013	Pta. Corveira, Rinlo (LU)	Pablo Miki García
29/08/2013	Pta. Corveira, Rinlo (LU)	Gilberto Jardón
18/11/2013	Pta. Corveira, Rinlo (LU)	Pablo Miki García
07/01/2014	Pta. Corveira, Rinlo (LU)	Pablo Miki García
17/04/2014	Pta. Corveira, Rinlo (LU)	Enrique Sanpedro

F5, á dereita

Por outro lado, comentar tamén que había outro individuo anelado, ainda que neste caso cunha anela de cor verde. O código non llo puiden ler ben, e o máximo que teño é esta foto, na que tampouco se pode apreciar en condicións. Pola cores do código e da anela, pode ser un exemplar provinte do programa de anelamento do País Vasco, coordinado por Jon Hidalgo. Xa observamos aquí mesmo noutra ocasión un exemplar cunha anela deste tipo, e do que se falou tamén neste blog (ver entrada).

Individuo coa anela verde

As informacións que se poden obter das análisis dos datos de todas estas observacións recollidas gracias ó anelamento das aves son de moito interese, tanto a nivel dos propios individuos en particular, coma da especie en xeral. Por este motivo son tan importantes os programas de anelamento científico, como comentei en anteriores ocasións.

Remata aquí esta entrada. A próxima será sobre as últimas observacións que fixen na Ría de Ribadeo, e que ainda teño pendente preparar o texto e as fotos. Ata entón, saúdos e graciñas por seguilo blog.

Imágenes y texto bajo licencia Creative Commons

Enrique Sampedro Miranda

Ría de Ribadeo: www.riaderibadeo.com

Charca de Rinlo: Anas querquedula, Locustella naevia, etc.

De novo por Ribadeo, a miña primeira visita destes días foi a charca de Rinlo. Polas datas nas que estamos, xa metidos na época de paso posnupcial para moitas especies, esperaba atoparme cousas interesantes por este sorprendente humidal, xa toda unha referencia para ornitólogos e "rarólogos" galegos e asturianos. E a cousa non defraudou, xa que nada máis chegar puiden ver que había varios visitantes do máis interesante.

Gaivotas e lavancos

Entre gaivotas patiamarelas (Larus michahellis), lavancos (Anas platyrhynchos) e culleretes (Anas clypeata), destacaba a presenza dunha cerceta do estío ou cerceta albela (Anas querquedula), cerceta carretona en castelán.

 

Tamén chamaba a atención unha patuda (Himantopus himantopus), así coma dous biluricos patirrubios (Tringa totanus) e un pilro común (Calidris alpina).

Patuda

 

Bilurico patirrubio

Pirlo común

Gaivota patiamarela

Despois de repasar o que había na charca, achegueime ata o Penedo do Corvo, onde descansaba este nutrido grupo de corvos mariños cristados (Phalacrocorax aristotelis), entre os que había varios anelados.

 

 

 

Xa cando marchaba para outro lado, avisoume Pablo Miki García de que estaba a observar na zona, "a huevo", un exemplar de folosa manchada (Locustella naevia), buscarla pintoja en castelán. Precisamente fai pouco Xabier Prieto comentárame que nesta zona nosa había citas recentes, así que non sería difícil vela. Pois aquí está Xabi. Gracias a Pablo, temos a confirmación. Ademáis comentoume doutro lugar tamén pola zona na que a observou. Esta estaba en pleno postureo nupcial, así que a súa cría aquí podemos tamén confirmala.

 

Para rematar, unha observación menos glamurosa, pero non menos fermosa, como é esta lavandeira marela (Motacilla flava).

Imágenes y texto bajo licencia Creative Commons
Enrique Sampedro Miranda
Ría de Ribadeo: www.riaderibadeo.com